有時真係唔知點樣劃分藝術同色情，事關喺唔少人眼中佢哋真係差唔多。不過位於挪威奧斯陸嘅艷舞夜店Lotus Show Bar，就話想知道兩者分別，只要去佢哋嗰度就得。呢間喺2011年開業嘅夜店，同一般嘅艷舞夜店有啲分別，就係佢哋有兩個唔同嘅艷舞表演時段，前者係講求藝術性，並搵嚟專業嘅舞蹈員演出，後者則以專業女郎帶出誘人目的。透過兩種唔同風格嘅舞蹈，等大家體驗到藝術與色情間嘅分別。此外，夜店裝修亦以兩種唔同風格設計而成，一樓以現代感加大量玻璃鏡為主，地牢則以復古同奢華作為設計理念，又透過大型嘅梳化設計同水晶吊燈，營造出與別不同嘅華麗感。