AV達人:怒點脫星勁過癮

今期美國四仔界最Hit係乜呢?竟然係一個鹹網,咪睇小佢嘅威力呀,由兩年前無人理,到依家歐美最頂班脫星都爭住上去玩,原來係因為「橋多」,每次有新料推出,成人新聞網站都有報道,深得巴打追捧,連帶脫星上位,大家有着數,難怪咁受歡迎啦!

真人上演

假如當佢係一個普通鹹網喺「有味Web」介紹真係對唔住你哋,因為呢個網站不論囡囡同玩法都實在太堅!成人網站「Life Selector」由2012年開始,以色情互動作賣點吸引收費用家,坦白講,呢種玩法似足色情Game,囡囡喺不同場景出現,玩家以第一身角色「操控」,例如故事背景喺屋企做家務,女僕會按主人要求做相應動作,一直發展到最後埋身肉搏,意淫味濃。但以往只得遊戲,點及得今日講嘅真人上演,做出多種場景選擇咁爆呢!再者,每個古仔都動用大量人力物力,成本比拍四仔仲要高,難怪頭兩三年網站更新次數極少,而囡囡亦只得小貓三四隻,直至最近,網站突然大變身,歐美一線脫星都有坐鎮,好似今期人氣勁高嘅August Ames及Dillion Harper同步上場,仲有最受歡迎嘅脫星Alexis Texas 、Aletta Ocean以及Mia Malkova等,加加埋埋近百位囡囡駐場呀!要留意嘅係,除咗每位脫星嘅「A Day of XXX」故事模式,玩家單對單玩謝脫星外,更有特別版遊戲,多位脫星上場陪你癲。睇過預覽片,每場遊戲至少30分鐘起,脫星一開始按當時場景出場行行企企,約3分鐘後再進入另一場景,囡囡會問你幾條問題,之後就入「正題」,高潮位係玩家可選擇多款埋身體位,比睇POV四仔更投入呀!

人氣急升

至於點解呢個鹹網會吸引咁多脫星加盟呢?除咗因為有大片廠撐腰,順道幫到脫星宣傳先係最緊要呀!好似截稿前為止最新登場玩「女看護性感治療」遊戲嘅Whitney Westgate,講四仔甚少見有佢份,但遊戲一出街,即刻被成人網站「sex.com」邀請做專訪,加上成人新聞網站發功轉載,阿妹乜都唔使做就成為話題女王,你話脫星點會錯失上位機會呢?

可以操控脫星當然多巴打Like,不過世上冇免費午餐,會員要不斷買「點數」先可以「怒點」脫星,而呢股風潮更吹到內地及台灣,甚至有台灣網友喺網上交流「破解程式」,希望可以免費玩添,但綜觀網友留言方法唔成功。犯法嘢各位咪亂試,都係畀錢玩好過啦,再唔係官網有免費試玩模式,畀你過吓癮!

撰文:祖