美國哈佛大學喺2013年進行過關於女性扮有高潮嘅調查，結果發現喺138名受訪者中，每六個就有一個曾經扮過有高潮，而參與研究嘅專家更話，經常扮有高潮嘅女性，出軌機會會較高。對於呢個結果，熟女脫星Ava Addams就有唔同嘅睇法，佢覺得咁做即係好着緊男方，反而冇咁易出軌咁話。
Ava：如果我以脫星身份回答你呢個問題，我一定會答係。因為我作為一個脫星，床上演出嘅目的都係為咗可以令觀眾睇得興奮，若然話你知其實高潮唔重要，咁我又點可以帶動到大家嘅情緒呢？不過，如果我以一位女性身份回答，我就唔係咁睇，起碼佢唔係性生活，或者男女相處生活嘅重要部分。點解我會咁講呢？因為兩個人相處，性愛雖然係重要，性高潮卻並非性行為嘅全部，起碼對我嚟講就係咁樣。既然係咁，其實扮唔扮有高潮根本唔重要，最重要係對方可唔可以享受到當中嘅樂趣。當然，我覺得如果可以同對方傾吓有關嘅問題，等佢知道我冇高潮嘅原因，然後大家一齊慢慢去發掘，呢種亦係一種相處嘅樂趣。
Q：據你咁講，其實高潮對你嚟講並唔係咁重要一件事嚟。
Ava：事實的確係咁。不過，我覺得如果同對方相處得嚟，而對方又有心投放感情喺呢段關係上，我相信冇高潮只不過係一個短暫嘅現象，經過大家慢慢研究同嘗試後，一定可以搵到解決嘅辦法。就以我為例，當時我同以前嘅一個男友相處時，佢好鍾意玩推車仔，只係我其實好討厭呢個動作，因為我覺得好唔舒服，甚至有痛嘅感覺。經過我同佢商討後，佢決定放棄呢個體位，改而遷就我玩其他動作，最後成功令我進入高潮。如果當時我決定為咗討好佢，而假扮有高潮嘅話，咁咪唔會繼續發展落去囉！當然，我同佢最後都分咗手，只係我哋並唔係因為性格不合，而係因為佢嘅工作問題。及至依家，我哋仲係相當親密嘅朋友。
撰文：魂