作為男人心目中嘅完美女神，唔單止要有標致五官、出眾身材，最重要係要有外剛內柔嘅性格，返到屋企由女強人化身成小鳥依人，嗰種感覺既奇妙又有滿足感。不過咁完美嘅女神去邊度搵呢？喺去年底先至出道嘅內地嫩模黃歆苑，或者可以畀到答案大家。
嚟自四川成都嘅嫩模黃歆苑，雖然出道只不過係半年多嘅時間，但佢憑住火辣身材及白皙嘅嬌膚，最重要係佢一啲都唔吝惜自己誘人嘅身段，甫出道就以超性感嘅造型示人，令見過佢嘅人留下深刻印象。有別一般初出道嘅平面模特兒，佢帶有一種成熟嘅感覺，就好似見慣大場面咁，點解呢？原來佢除咗係一位模特兒外，更係一位從事舞蹈教育及演出工作多年嘅舞者。佢不但精於爵士舞、華爾滋、Hip Hop，鋼管舞更係佢嘅拿手好戲，不但曾經喺成都、重慶、廣州等地授舞及表演，又曾經參加過舞蹈比賽。如此豐富嘅經驗，難怪佢喺鏡頭前有着一種其他新進嫩模所冇嘅淡定感。
老實說，要翻查佢嘅資料真係一啲都唔易，事關佢只會喺個人微博中嘅片言隻字，介紹及展示自己嘅真性情。據佢解釋，由於佢屬於外冷內熱嘅人，唔熟悉佢嘅人總會對佢有種拒人於千里之外嘅錯覺。為免大家留有唔好嘅印象，於是經常喺寫真及文字中，流露鮮有喺人前表現嘅調皮、溫柔嘅一面，等大家可以對佢有更深嘅認識。不過話雖如此，報稱仍然單身嘅佢渴望搵到真命天子，並經常為此喺網上發文自嘆，好似喺早前佢就表示：「雖然自己出得廳堂入得廚房，外形亦算唔錯，點解就係冇人愛呢？」喺現時情感空窗期，佢將呢種情感投射喺佢嘅粉絲度，並且經常大發嬌嗔，話因為練鋼管舞搞到周身瘀黑，搞到粉絲不知幾咁心痛呀！
咪睇黃歆苑個樣咁冷冰冰，其實佢不但性格活潑又調皮，仍有令人心動不已嘅純情一面，呢種外冷內熱嘅性格，試問點可能唔征服到男士嘅心呢？如果想知道佢內心世界，或者只係想欣賞佢迷人身段嘅話，可以去佢個人微博追蹤近況。
網址：weibo.com/u/ 2132433235
出生地：四川成都
身 高：165cm
三 圍：33、26、35
撰文：魂