毛鬙鬙者，亦即我哋講開嘅「毛神神」是也。喺好多人嘅觀念中，男女毛髮愈濃密象徵愈精力旺盛，性慾更係比常人更加渴求。雖然呢種觀念唔係咁科學，但仍可睇出大家好多時認為毛髮同性能力有密切關係。既然係咁，今次一於介紹吓關於毛鬙鬙及Furry嘅情色詞語啦！
按字面嚟睇嘅話，「Furry Letterbox」被解做毛鬙鬙嘅信箱，只係喺情色俚語中，佢梗係唔係咁解啦，佢係指女性嘅鮑魚。可能有人會話，鮑魚唔一定係毛鬙鬙，叫佢做「Furry Letterbox」好似唔係咁啱。其實絕大部分嘅鮑魚都會有毛毛，而冇毛毛嘅卻唔係咁常見。呢啲冇毛毛嘅鮑魚，我哋會稱佢哋做光雞、白切雞、白虎等。講到白虎，我哋都知道係用嚟形容鮑魚冇毛毛嘅女性，而形容兵器冇毛毛嘅男性時，又會用乜嘢詞語呢？答案就係青龍。不過與此同時，心口毛、臍毛同陰毛連埋一齊嘅男士，亦會用呢個詞語嚟形容。
「Furry Party」係一種喺外國相當流行嘅派對玩法。首先呢種派對好多時會選擇喺樹林中進行，而參加派對嘅男女則會裝扮成毛鬙鬙嘅動物，好似豹、老虎、貓、羊等等，然後模仿所扮演動物嘅動作嚟玩樂。不過，呢種係一級版嘅玩法，咁三級版又會點玩呢？就係加入咗性愛元素。玩法同前面所講嘅一樣，只係去到「戲肉」部分時，男女則要使用所扮嘅動物交配動作嚟曳曳，從而提升激戰嘅情趣。之但係，如果當一隻鴕鳥遇到長頸鹿嘅時候，究竟可以點樣玩呢？呢層真係有啲耐人尋味。
如果有睇開美國四仔嘅話，都會發現佢哋嘅脫星為咗上鏡時更企理、更易畀人睇到重要部位交鋒情況，都會將其附近嘅毛毛剃得一乾二淨。不過，須知道男女都會有毛毛，究竟邊位女脫星嘅毛毛出晒名夠濃密嘅呢？1989年9月23日出生嘅美國脫星Dani Daniels，必定榜上有名。事關呢位脫星多番喺Twitter訴苦，話自己嘅毛毛太多又太濃密，搞到佢每次演出前都要花好多時間脫毛。唔知係咪片商Blacked見到佢剃毛剃得咁辛苦，於是喺去年9月中推出一套，保留咗佢原生態黑森林嘅作品《Blacked》，等大家見識一下佢茂密黑森林嘅魅力。
如果以為「剛毛」就係指好硬嘅毛毛就錯晒喇！事關喺日文中，「剛毛」解作濃密嘅毛髮，因此有唔少以毛毛為主題嘅AV封面上，都會見到呢兩個字。雖然家陣嘅AV女優為咗令出嚟嘅效果好啲，喺演出前都會幫毛髮修飾一番，但有啲為咗凸顯女優旺盛嘅性慾，都會留番一大撮喺度，而講到當中最為知名嘅「剛毛」女優，就唔可以唔提喺1997年11月出道嘅吉野Sally。當年喺宇宙企劃出道，以清純形象示人嘅佢，一直都以毛髮作為賣點。先後喺1999年同2001年引退嘅佢，到咗2006年二度復出時，不但搖身一變火辣癡女，更開始演出騎兵片，大家終於可以一睹佢「剛毛」嘅魔力。
撰文：魂