由一名寂寂無聞四仔男優，成為四屆最佳男優，再成為今日嘅男神，借問聲 James Deen仲有咩未做過，做乜都攞第一，拍四仔如是，搞色情生意如是，近日佢更踩入傳媒界，幫女性潮流網站「The Frisky」客串兩個禮拜擔任編輯一職，網站強調男神落筆絕不賣廣告，所有內容都係男神個人感受，只會講佢想講嘅嘢，內容亦無限制，可以講色情又可以講吓生活，總之一切由男神話事！
話時話James Deen都唔係第一鑊幫呢個網站寫嘢，但今次連續寫14 日確係首次，各位可以免費睇盡男神對生活、工作、感情及性愛態度，其實咁搞法，男神可以考慮進軍荷里活，以佢今時今日受歡迎程度，話唔定下屆奧斯卡最佳男主角都有得佢攞呀！
網址：www.thefrisky.com/tag/james-deen/
撰文：祖