睇你好得幾耐？呢句話係細佬講嘅。每個脫星都想獨立以自由身發展，一方面唔使被經理人抽佣，同時又可以接自己鍾意嘅工作，賺得多又自己話晒事，何樂而不為？但事實係脫星唔可以冇經理人，事關脫星本身要落床砌，仲邊分到身去同各大四仔廠傾合作拍戲呢？即使傾得成，咁片酬尾數邊個幫手收先？仲有，假如拍攝期間發生意外，邊個撐佢呢？如果脫星獨立係得，經理人呢行早就收檔啦！所以最近Ashlee Graham發新聞稿表示脫離「101 Modeling」公司宣告獨立發展，各界都唔係替佢高興而係擔心至真囉！呢幾年Ashlee的確係人氣高工作量多，收入豐厚，名成利就個人飄飄然係人之常情，但係家陣阿妹唔係過檔其他經理人公司，而係一個人飛身過洛杉磯呢個色情工業重鎮，同各大老闆傾合作計劃，是福是禍？以細佬多年所見，儘管係一線脫星都要泊住大碼頭，而Ashlee只係上緊位，除非佢諗住拍多兩年賺夠就退休，否則可以肯定佢好快又要死死地氣簽另一間經理人公司囉！