日本AV界一向都求才若渴，原因多得一眾AV迷，佢哋絕大部分都係貪新忘舊，每次欣賞完一位女優，又想搵另一位女優進行視覺探索。近期最渴望搵到優質新人嘅AV集團肯定係SOD，經過一段長時間尋尋覓覓之後，SOD決定連兼職女優亦一樣招攬，「副職AV女優」軍團正式成立。
日本AV集團SOD上年禍不單行，繼作品最賣得嘅「大物級」女優、前AKB48成員橘梨紗突然神秘引退之後，搵來多位藝能人身份嘅新人都出道不成，只能夠靠紗倉真菜、白石茉莉奈以及古川伊織擔起頭家，到現時情況雖然冇當初咁差，但係都唔好得去邊。為咗解決女優荒，SOD進行過好多招募計劃，更加出動到1,000萬契約金以及1,000萬推薦金，實行重賞之下必有勇女，利誘優質美女加盟。經過約大半年嘅招募活動，SOD終於成功搵到一批優質嘅「副職AV女優」喇！呢班女優有四位，每個都有正職，來自不同職業界別，佢哋同以前所謂嘅現役乜乜女優有咩分別呢？答案係佢哋唔會全力投身AV界，只做兼職，換言之，佢哋會一邊拍AV，一邊繼續原有職業。
呢四位副職女優分別係22歲女護水谷藍、24歲空姐兼禮儀教師松下紗榮子、21歲幼稚園教師島崎結衣以及20歲嫩模香坂景子。經過廣大AV迷用心檢測過之後，初步相信四位都唔係改名重臨嘅偽新人，至於佢哋到底係咪從事聲稱嘅職業就好難分辨。SOD特別為副職女優設立網頁（網址：http://ec.sod.co.jp/special/senzoku_shirouto/index.html），除咗介紹佢哋嘅初下海作品之外，仲公開咗好多資料，如三圍以及收入等，亦包括四位女優所填寫嘅面試表格，當中透露咗佢哋嘅下海原因，水谷藍表示自己日夜喺醫院工作好難識到男仔，故希望可以透過拍AV滿足性需要；松下紗榮子自從與機長發生不倫關係之後，就好想繼續同鹹濕嘅男人交歡，AV男優正係最佳選擇；島崎結衣嘅下海原因亦同紗榮子相若；香坂景子坦言現時工作收入唔穩定，對身材及演技有自信，想透過拍AV搵錢以增加知名度。
撰文：賢