AV達人:火箭7周年 請食鮑魚宴

日本AV界競爭激烈,一間AV廠如果能夠營運兩三年已經唔容易,所以佢哋不時都會搞周年慶典。最近,SOD集團旗下嘅Rocket就慶祝成立7周年,為答謝廣大AV迷支持,特別舉行慶祝會,兼且請食「鮑魚宴」添!

三大淫娃

7年時間話長唔長,話短唔短,但係對於日本AV廠嚟講,就絕對係一個相當難得嘅營運年期,原因係行業汰弱留強情況相當嚴重,銷量業績稍為唔理想,好容易就被所屬集團唾棄繼而摺埋。屬於SOD集團嘅AV廠Rocket剛剛成立7年,其拍攝手法相當獨特,銷量成績理想,相信繼續營運到第二個7年都冇問題。R廠嘅作品相當多元化,知名嘅系列有《時間停止》以及《衝擊!××有名運動選手》等。最近,R廠為慶祝成立7周年,喺新宿Plus One隆重舉行「7周年愛好者感謝祭」,更特別請來三大淫娃——上原亞衣、水菜麗以及南梨奈央,連同四名素人女優做嘉賓,為現場帶來無窮春光同無限驚喜!首先水菜麗同四位素人娘出場玩估波遊戲,五女企到紙板後面只露出雙峰,被抽選出嘅觀眾就要靠雙眼去望及雙手去摸,估吓邊對波屬於水菜麗,呢個遊戲真係緊張又刺激!

自動送鮑

之後輪到南梨奈央登場,佢同現場觀眾玩賓果遊戲,但係今次唔係玩數字,而係玩淫猥詞彙,令人一邊玩一邊充滿性幻想。南梨奈央仲同大家玩猜謎語,做出各種意淫動作畀大家估,同時奈央愈剝愈少布,最後剝剩內衣褲,令現場氣氛升溫。比較靜態嘅遊戲玩完後,輪到充滿動感嘅激烈動作遊戲喇!呢個時候南梨奈央同水菜麗選出兩名男士上台,然後騎喺對方面上,實行請食鮑魚!幸好女優功架十足,並未有貼到實佢哋塊面,唔係驚大吉利是,係怕佢哋窒息咋。騎上去之後又點呢?水菜麗同奈央兩個輪流喺一分鐘之內盡情扭動腰肢,而瞓喺地下嘅男士就要數住佢哋扭咗幾多下,估中就贏!最後上原亞衣終於出場,可能因為亞衣身價貴咗,只係同在場嘅多位R廠監督傾偈而已,Hea咗啲喎!

撰文:賢