萬丈高樓從地起，做人千祈唔好諗住一步登天，打好根基先可以令事業發展平穩。之不過，家陣好多後生仔都唔肯從低做起，話低下階層冇乜前途，其實大家可以從現時人氣火紅嘅水着妹柳由莉菜身上學習一下，因為佢之前都只係舞女一名，唔係夜總會嗰種，而係樂壇組合表演時嘅伴舞女郎。
現時好多行業都出現青黃不接嘅問題，但喺日本水着界就一定唔會，因為新人輩出，近年更可以話係水着女優陣容最強最鼎盛嘅年代，事關除咗一班已上位嘅優質水着天后之外，後進當中仲有大量質素極佳嘅女優，好似高崎聖子、星名美津紀、鷹羽澪、久松郁實等等，而今日為大家介紹嘅柳由莉菜同樣極之優秀。今年只得21歲嘅由莉菜面孔亮麗標致，塊面仲帶點點嬰兒肥，令佢原本已經天真無邪嘅氣息更為明顯，當展露迷人笑容，仲會散發無比治愈效能添。由莉菜擁有5呎5吋身高，雙腿修長而誘人，加埋一對33E美巨乳、雪白鮮嫩嘅肌膚，難怪被水着界稱為「天物級」女優，而近日由莉菜就係憑住天物級身材成為各大雜誌嘅封面女郎。
柳由莉菜家陣嘅人氣可以話極高，但係阿妹其實唔係一出道就咁出名。由莉菜好細個就被阿媽安排學跳舞，一心諗住長大後成為老鼠樂園嘅舞蹈演員，後來憑住出色舞藝，成為日本知名樂壇組合放浪兄弟嘅伴舞女郎，曾經跟住組合作全國巡迴演出。2013年由莉菜參加一個叫做「Smart Boys & Girlfriend」嘅比賽，獲得特別獎後被選拔為寫真女郎，之後再拍埋水着寫真，將天物級誘惑身材獻畀大家。上年由莉菜喺NHK早上王牌節目《massan》，以懷舊性感造型重現1922年一個紅酒廣告，一時之間引起話題，因而以演員身份登場嘅機會亦愈來愈多，將於6月上映嘅恐怖電影《咒怨 The Final》就有佢份演出喇。柳由莉菜表示好高興可以演員身份發展，但係最想就係做歌手，咁就可以一邊獻唱一邊施展自己最擅長嘅舞藝喇。
柳由莉菜近期工作繁忙，不過一得閒就會將動態於個人網站發表，想知道阿妹有咩新動靜，Click上去睇就冇走雞。
網址：http://www.yanagiyurina.com/index.php
年齡：21歲
身高：5呎5吋
三圍：33E-24-34
撰文：賢