當你仲睇緊《Avengers 2 XXX》時，美國已經講緊《Batman v Superman XXX》，呢兩套惡搞四仔都係由被傳媒封為The King of Parody嘅導演兼男優Axel Braun負責，但講到製作認真，肯定係後者，之不過推出日期一拖再拖，究竟係胎死腹中定玩宣傳伎倆呢？
正牌電影《Batman v Superman: Dawn of Justice》預計明年上映，而惡搞版《Batman v Superman XXX》於上年導演Axel Braun親口宣布開拍及選角，同時片廠Wicked Comix公布呢部片會先過《Avengers 2 XXX》派街，結果係後者已經有售，但前者到截稿前為止仍未公布派街日期，假如胎死腹中的話，絕對係四仔迷嘅損失，皆因呢部片無論係造型及特技都製作認真，不僅兩位男主角Batman（Giovanni Francesco飾演）及Superman（Ryan Driller飾演）造型神似又型爆，連其他女角色以至大茄都維肖維妙，難怪導演Axel Braun對傳媒話佢最鍾意呢部惡搞四仔，同時亦花咗最多心機、時間及金錢拍攝，除咗要令四仔迷睇到嘆為觀止外，最重要令自己感動。Axel唔係得把口講，細佬睇過官方四仔封面，只見惡搞版Batman同Superman兩件猛男棟篤企，一件索女都冇，睇得出Axel信心十足！
要數惡搞超級英雄四仔，呢部《Batman v Superman XXX》一定係最多話題性，一日未出街一日都咁多人討論，所以陰謀論去諗，Axel唔會咁容易畀呢部片派街。的而且確，除咗男女主角有限度造型照外，其他幕後花絮或肉搏場面一張相都冇流出過，而有份參演嘅演員亦封口不提，究竟部戲拍好定未拍呢？睇怕只有Axel Braun先知喇！
有口痕友話其實Axel Braun好小器，近年唔做男優，瞓身拍惡搞四仔，係為咗向片廠Vivid報復，話說喺2013年Axel幫該片廠喪拍「英雄四仔」，點知受盡冷落，令佢心灰意冷，轉投Wicked Comix繼續惡搞，結果成績爆、攞獎勁，公司捧到佢上天，名利雙收。
講番部四仔幾時派街係個謎！但可以肯定全球四仔迷焦點落喺兩大男主角身上，反之一眾女角色由邊個脫星演就唔多人理，其實佢哋一啲都唔曳，例如演女超人嘅Carter Cruise，佢副偈34C-24-32正到震，成人網站「Die-screaming」更攞阿妹同美國電視版《女超人》（Supergirl）26歲女星Melissa Benoist比較，後者輸足幾條街，Carter波大、籮挺、飛釘、肉哋夠兼有氣勢，搵佢拍電視好過喎！而Aiden Ashley飾演貓女，野性到爆啱晒佢呀！Alison Tyler做神奇女俠，Britney Amber飾演毒藤女、紋晒身嘅Kleio Valentien扮小丑，囡囡陣容吸引。但都係嗰句，官方仲未有確實出碟日期，各位(目及)實喇！
撰文：祖