人狼呢個傳說中嘅生物係唔少電影嘅題材，而喺銀幕中嘅佢每遇到月圓之夜，都會化身成一隻嗜血怪物周圍搵人咬。不過喺成人漫畫中嘅人狼又會變成點呢？呢個就係日本著名十八禁漫畫家東平嘅成名作《狼男》中嘅主題。
如果問近年日本有邊個以擅長繪畫成熟女性，以偏向寫實系女體嘅成人漫畫家，相信東平一定榜上有名。不過講番佢嘅出道經歷，其實都幾受挫折。事關喺2006年出道嘅佢，最初喺日本漫畫雜誌《周刊少年Champion》發表處女漫畫作品《Cross-Heart》。須知道呢本雜誌嘅讀者群主要為少年，故此佢當時嘅作品內容同題材，都係以少年讀者出發。可惜作品反應只屬一般，面對工作上嘅壓力，於是喺2007年轉投成人漫畫界，先喺成人漫畫月刊《Vitaman》推出處女作品，同年又活躍於十八禁漫畫月刊《Pizazz》。憑住出色嘅畫功及其筆下迷人嘅熟女角色，令佢好快喺鹹漫界揚名，並於2008年推出首本鹹漫短篇單行本《戀愛聖經》，翌年又推出首本連載鹹漫作品《敏感木瓜奶娘！》。
雖然至今佢嘅作品相當多，但講到真正令佢成名嘅作品，卻要數呢本喺2010年開始喺《Pizazz》開始連載，並於2011年5月12日推出單行本嘅作品《狼男》！呢個總共連續咗3年嘅成人漫畫作品，可以話係佢集大成之作，從畫功到畫面分割都相當成熟，尤其係對索女及性愛場面嘅繪畫，更係令人睇到血脈沸騰。雖然作品內每個單元嘅主題都唔同，但主要圍繞擁有變身性飢渴狼人嘅男主角今泉身上，尤其係書中三位經常同佢曳曳嘅女主角更係唔可以唔提。一個係冷艷女醫生，一個係青春可人美少女，最後一個則係成熟俏人妻，單憑呢三個角色已經劇力十足！漫畫中一個必睇位，非佢同女醫生嘅關係莫屬。話說今泉發現自己每當月圓之夜，就會變身成性慾過盛嘅人狼時，佢便走去醫院求醫，點知卻見到窗口個圓月，結果變成人狼同女醫生個助手交鋒。女醫生見到助手被擒，於是瞓身幫忙，從此每當今泉不但成為佢研究對象，更成為床上好友添！
漫畫名稱：《狼男》
作 者：東平
出 版：雙葉社
頁 數：172頁
撰文：魂