近年韓風當道，大家除咗鍾意煲韓劇追韓星，仲鍾意食韓國菜。提到韓國菜，我就鍾意食泡菜同韓式炸雞，又甜又辣嘅味道真係令人回味無窮，愈食愈想食。其實又甜又辣唔單只喺韓國菜系中搵到，日本水着界都有好多甜美又火辣嘅極品好選擇，今日就為大家介紹兩位融合呢兩種味道嘅女優喇。
講到家陣日本水着界嘅童顏巨乳代表人物，可愛甜美而擁有一對G-Cup爆乳嘅篠崎愛，毫無疑問係此系列嘅代言人，大家如果去到日本嘅便利店走一圈，見到唔少水着雜誌都搵篠崎愛做封面女郎，就知佢人氣幾咁高喇！不過，童顏巨乳又唔只得佢一人，中村靜香不論樣貌、身材同人氣都拍得住愛妹，個人認為講到甜美程度，靜香仲要稍勝一籌添！要充分感受來自佢嘅甜味，睇阿妹嘅新作《靜香玫瑰色的人生》就最啱喇！作品當中，靜香會換上多款為大家帶來不同感覺嘅服飾，有正派又有邪派，正派嘅凸顯純真溫柔嘅新娘裝、學生裝等；而邪派嘅就有夜店陪酒孃裝，不論扮演咩角色都好，靜香都大露胸前巨乳，當然唔少得嘅仲有天真嘅甜美笑容，令每個段落散發不同甜味。
碟名：《靜香玫瑰色的人生》
收錄時間：90分鐘
售價：約HK$277
身高接近5呎8吋嘅染谷有香除咗高挑過人，胸前一對36G美巨乳更加火辣逼人，難怪被稱為「寫真界最強Body」！2011年染谷有香拍咗電視劇《華和家的四姊妹》之後，演技備受賞識，除咗繼續拍劇，其極品身材加上冷艷樣貌更加令佢踏足寫真界而引起哄動，其寫真作品引發強大吸引力，銷售當然極為理想啦！近期有香又有新作推出，呢部屬於第五隻寫真DVD嘅《品格高尚的身體》又一次話畀大家知咩叫做吸引力強勁喇！有香喺作品當中會換上三點式以及女僕裝上陣，一件頭嘅泳裝亦會用到，之但係由於尺碼太細，將豐滿上圍擠到幾乎跌出嚟，不過令人難忘嘅仲因為佢會罕有地打破演出過程冰冷嘅感覺，向大家展露燦爛又甜美嘅笑容，睇落別具風韻，認真迷人！
碟名：《品格高尚的身體》
收錄時間：80分鐘
售價：約HK$266
撰文：賢