AV達人：死過翻生

做人做事幾時都要適可而止，去得太盡的話，一係好快玩完，一係就冇彎轉。我知你唔信邪，不過你見識過Ron Jeremy嘅經歷，或者你會停一停、諗一諗，唔係思考人生，係諗吓人生要食幾多件女，同時要定時驗身，千祈咪好似Ron哥咁，搞搞吓忽然心臟病發，幸好同死神只係擦身而過，最後無事。但你估佢日後搞嘢，話冇留下心理陰影就假嘅，咁會點？咪做乜都就住就住，唔敢去到盡囉！自從死過翻生，Ron哥已馬上停止所有「愛情動作片」演出，只擔任幕後監製，聽聞佢連導演都唔敢做，怕現場睇得太興奮引致病發喎！