日本新宿同香港一樣寸金尺土，大家去到當地旅遊，會見到好多舖頭都會用盡空間，最好連天花板都擺滿貨品。不過，最近新宿一間AV店竟然騰出空間鋪榻榻米，唔通店主咁體貼，畀職員午睡？非也！原來目的係營造家居氣氛，等AV女優小司琴可以喺榻榻米上面親親AV迷。
日本幾乎每間AV廠都有自己嘅特色同拍攝風格，好似SOD集團旗下嘅Hunter主打涉谷妹，北都集團嘅本中玩中出，而老牌AV集團桃太郎旗下嘅素人Only Plum顧名思義，以素人娘為主，當然大家都知道AV界多大話，片中所謂嘅素人娘好多都係稍具知名度嘅AV女優扮成。而為咗令素人娘作品睇落有真實感，拍攝嘅場景一向都以地方細小，且鋪有榻榻米嘅斗室為主，以凸顯素人娘為搵兩餐，而提供香閨拍攝AV。纖巧小妖精小司琴近期除咗幫素人Only Plum拍片，更親身落區宣傳，而最近一次就去到新宿TSUTAYA一間AV店。AV店將部分地方布置成家居一樣，不但鋪榻榻米，兩邊牆壁更貼上印有家具圖案嘅大型貼紙，增加真實感。
當日小司琴一出現，就吸引到大班AV迷圍觀，不過得個睇字又點夠呢？更何況難得有AV女優現身，又點可以空手而回？但係點樣先可以同小司琴作親密接觸呢？好簡單亦好抵玩，只要畀1,000日圓買張入場券，即係約65蚊港紙就入得場喇。入場券上面印有18個號碼，代表18種獎品，入場嘅朋友先從抽獎箱抽出號碼牌，然後小司琴就根據號碼招呼對方，例如攬攬錫錫、餵波餅、送出二手絲襪，甚至係吸啜放於胯下嘅珍寶珠等，統統都極具挑逗意味，令人慾火上升又過癮。唔知係咪過癮得滯，除咗男AV迷之外，仲有唔少女仔參加，而小司琴一於冇計較，男女通殺，連女仔亦一樣照攬照錫，認真夠大愛。
撰文：賢