如果問邊類型嘅題材，係當今日本十八禁遊戲主流嘅話，相信非學園題材莫屬。事關粗略統計，喺每月新作中有超過七成都係呢類作品，只係講到當中鹽花場面夠養眼，遊戲性同故事性兼備嘅則要數著名遊戲公司Light，佢剛推出嘅作品《相州戰神館學園 萬仙陣》。故事講述喺遠古以前，大地上曾經發生過一場神魔激戰，最後一班勇敢少年男女同惡魔一齊犧牲。時至2015年春天，一班正過住學園生活嘅男女正忙於籌備一年一度嘅文化祭，突如其來嘅黑暗將城市籠罩其中，連串怪異事件喚起佢哋潛藏靈魂深處嘅勇者記憶，戰鬥、愛情同慾望交織出嚟嘅命運令佢哋迷茫不已。