銅像最唔好嘅地方，就係畀人接觸得愈多嘅部分，佢就變得愈係靚立立。本嚟呢個係銅像嘅特色，只係靚立立嘅地方竟然係個敏感部位，咁就說明好多人對佢毛手毛腳啦！好似位於湖北漢陽江灘內嘅大禹神話園，當中有個銅像嘅左邊車頭燈就畀人摸到變晒色，呢個銅像係邊位？咪就係大禹個老婆女嬌。
話說呢個露出車頭燈嘅銅像，有啲人就對佢施以鹹豬手，結果變咗色。事實上，除咗佢嘅敏感部位變咗色外，佢座下嘅九尾狐背脊同身旁嘅大禹像都有唔同程度嘅變色。呢種咁唔文明嘅行為固然討厭，只係當中嘅意義更值得人深思，點解有啲人咁鍾意摸呢個部位，究竟係佢哋覺得部位嘅形態靚到唔摸唔得，定係平時實在鮮有機會摸得到呢？
撰文：魂