每個人嘅身體器官唔同，而情趣玩具大部分都冇尺碼可揀，享受又點能夠貼身呢？有唔少英國大學生做兼職，仲係色情行業，乜唔使讀書咩？香港人對熟女二字都有少少抗拒，但喺日本就唔同，以熟女做主打嘅風俗店更趨向穩定發展添！
每個人嘅性器官形態同大小各異，故安全套及女性衞生用品都特別設有不同尺碼，以應付不同嘅需要。之不過，如果選購情趣玩具就唔同講法，因為一般嚟講都冇尺碼可揀，假如對一款玩具有興趣，但係尺碼唔適合自己就享受唔到箇中情趣。之不過，法國一家情趣用品玩具商SexShop3D.com就提供特別服務。只要客戶上佢個網，就可以從多款情趣用品嘅設計圖當中挑選，揀完功能又可以揀尺碼，然後再透過網絡連接到自己嘅3D打印機，咁就可以打印出最合心水嘅貼身情趣玩具喇。
能夠讀到大學當然應該慶祝一番，之不過讀大學所費不菲，對於出身普通家庭嘅學生哥係一項重大負擔，好彩嘅係可以向相關機構申請學費貸款，當然有借梗係要有還啦！喺英國讀大學，學費一樣高昂，唔少學生畢業之後要孭住三萬英鎊嘅債務。為咗應付學費，好多學生都會兼職打工，而部分嘅工作仲同色情行業有關添。早前，英國有調查顯示，受訪嘅20間大學當中，有四分之一嘅學生兼職色情行業，包括跳艷舞、伴遊、收費裸聊，甚至係賣淫，點解會咁唔潔身自愛呢？據聞最大原因係班學生好多都係為咗賺錢幫補學費。
有睇過日本AV界熟女系列嘅朋友，對熟女嘅印象應該唔錯，咁就當然啦！日本熟女好多都保養甚佳，三十幾四十歲依然皮光肉滑，充滿女人味又好身材，吸引力拍得住年輕女優。而喺日本嘅風俗界，熟女風俗店仲發展得相當唔錯。早前日本東京進行一連串行動掃蕩無牌風俗店，家陣多以應召式風俗店為主。應召女郎方面，年輕嘅往往會為咗極快滿足客人嘅需要，客人話點就點，按摩、推拿、談心嘅時間慳得就慳，服務水平漸漸下降，變成只求一洩嘅服務。相反，成熟嘅應召女郎就唔同，佢哋唔同你急，細心又溫柔咁招呼，令客人喺限定時間之內滿足需要，自然可以留住客人個心，熟女風俗店亦得以穩定發展。
撰文：賢