內地遊客去日本玩，以為當地十分開放，於是向囡囡手多多，最後係點？當然冇運行啦！台灣年輕人潮玩壁咚，效果如何，我哋嚟話畀大家知！英國有位青年才俊，生意失敗後轉型搞性愛派對，竟成為大亨。
有三個內地旅客，唔知係咪睇得AV多，以為所有日本女士都好開放，於是喺旅遊日本期間做咗「癡漢大叔」，其中一個見人哋着短裙上扶手電梯，於是用手機緊隨其後拍下裙底春光。有一個喺性商店裏面，撫摸店員嘅臀部。仲有個喺火車上面，揭起女生嘅裙。佢哋全部被拉晒上法庭，有可能會坐監添，所以有口痕嘅網友就呼籲內地巴打，雖然片中動作係真，但劇情係假嘅，如果你哋真同假都唔識分，就咪睇咁多AV片，否則出咗事就唔好啦！
台灣年輕人有個新嘅溝女玩意叫做「壁咚」，「壁咚」一詞譯自日本語，意思係男士把心儀嘅女士逼到埋牆，然後隨便一隻手拍向牆壁令囡囡進退不得，之後再四目交投咁向囡囡表白，其實大家喺好多日劇或者韓劇都見過呢一招，但用喺現實生活中又有冇效呢？最近台灣有網站就喺街頭試玩「壁咚」，囡囡大多數反應都係笑，有部分就明顯唔接受呢招，只有好少人話感覺幾浪漫，所以呢啲新玩意當趣聞睇吓就算，咪要嚟用，否則後果自負！
英國有位金融才俊原本家財萬貫，但一時不慎生意失敗，自此仲患上憂鬱症，但後嚟發現「性愛派對」有商機，於是問朋友借錢租場地，跟住喺網上招客，辦咗幾次後反應十分之好，群組人數不斷上升，於是唔使賣廣告都大把人爭住報名，呢啲派對每次只招待十五對男女，而且一定要帥哥靚女，收費每位100英鎊，每場執三萬幾港紙，只出場地同食物，所以做咗冇耐，就成為性愛派對大亨。
撰文：小德