好多人生得細細粒，但係就食量驚人，日本人氣美少女偶像組合Backstage外神田一丁目嘅成員萌梓就係其中之一喇。現年26歲嘅萌梓近期人氣火速上升，主要原因係佢喺一個競食比賽當中有驚人表現，成功以龐大食量取得冠軍。歷來萌梓都參加過唔少競食比賽，曾經喺30分鐘內食25個咖喱麵包，而今次喺3月舉辦嘅「元祖大食王決定戰之新女王発掘戰」當中，就以139.5條香蕉加上21個豬骨湯杯麵而成為第五代大食女王！
然而，萌梓食量大，身材卻相當苗條誘人，大家唔信大可以買佢嘅首本個人寫真集《How Sweet》睇清睇楚。萌梓喺呢本寫真集當中將會嚟個肉體大解放，以出道以來最性感嘅姿勢搔首弄姿，大晒胸前令人震撼嘅E-Cup巨胸以及白滑肌膚，唔知點解呢個大食妹能夠將營養全部集中到胸部咁厲害？
售價：約HK$208
撰文：賢