男士今次有福了，皆因有筍工推介呀！究竟份工有幾筍呢？話說美國內華達州有間妓院，準備招募12位全職同兼職性愛測試員，唔單止可以同眾多囡囡曳曳，每次床戰完仲會有「測試費」收，係咪男士夢寐以求嘅筍工先？呢間名為Moonlite Bunny Ranch嘅妓院，不但係美國為數唔多嘅合法妓院，佢仲係相當知名，除咗因為可以合法搵女外，仲因為佢哋嘅囡囡真係各式各樣乜都有。
不過想做到呢份筍工真係唔易，事關據老闆Dennis Hof表示，為咗可以提供優質服務，測試員不但要具有豐富床戰經驗，又要有學識同做人處事夠圓滑，最重要係具備過人嘅性能力，先至有資格為囡囡評分。雖然佢嘅要求多多，但據講至今收到嘅應徵者數量相當多，而佢又透露由於嚟玩嘅玩家唔單止有男士，仲有唔少係女士，故此好歡迎女士嚟應徵做測試員喎！
撰文：魂