雖然英國有唔少艷舞夜店，但講到最具歷史同地位嘅話，就一定唔可以唔提位於倫敦嘅艷舞夜總會White's。早喺1693年開業，從佢所坐落嘅建築物外觀就已經見到悠久嘅歷史。事實上，佢作為英國最古老，同時又係最高級嘅夜總會，一直以嚟都係社交名人、王室貴族、富商貴人等男士嘅社交場所，據講查理斯王子亦曾經係座上客添！
從店內嘅裝修亦可見到華麗同非凡嘅一面，店內分為7間唔同主題嘅套房，當中包括充滿王室氣派嘅典雅套房、法國風情嘅紅磨坊套房、以60年代英倫風格設計而成嘅會議室等，仲有專供私人派對並走現代風格嘅派對專區Studio 54，另外當然唔少得每晚喺度上演鋼管舞嘅艷舞大廳。不過大家要留意嘅就係，店內對玩家嘅衣着要求相當嚴格，所有以運動衫、T恤、短褲等衣着都被拒入內，而戴帽者入店前亦要先交畀服務員保管。
撰文：魂