2015年剛啱先過第一季，咁快就話有最佳鹹書登場，唔係啩？本來細佬都唔係好信，但睇完書嘅作者陣容及書評簡介，完全明白晒！書名叫《Best Sex Writing of the Year: On Consent, BDSM, Porn, Race, Sex Work and More》。的確好長呀，但全書內容只得256頁，似乎唔夠講齊以上咁多嘢噃！但睇埋作者係一班美國超級博客講述過去兩年發生嘅經典性事，例如博客Alexandria Goddard講述強姦案審訊經過；另一位叫Epiphora博客有幾十萬社交網粉絲追隨，分享情趣用品玩法及男女感受；四仔脫星Jiz Lee則暢談業界已走火入魔，連拳交都視為等閒；報稱音樂家，名叫Ember Swift回顧佢喺懷孕期間性慾；叫 David Henry Sterry嘅年輕男博客，自爆同一位年介82歲性工作者發生性關係經過；但最爆都係請嚟杜克大學脫星Belle Knox幫呢本書寫序囉！雖然新書最近先派街，但咁齊料，難怪敢封為Best Sex Writing of the Year啦！