新加坡近年重興「吊花場」，囡囡唱歌跳舞時客人買花環相贈，買得多自然有數啦！喺內地要加入賣淫集團嘅群組，對方會考慮你嘅分享內容夠唔夠出位露骨。日本有陪酒妹被人取消工作，於是告人歧視，最後獲得勝訴。
台灣難撈，好多年輕人都會向外發展，據講新加坡開放賭業後，夜生活百花齊放，近年開咗唔少「吊花場」，美其名係歌舞廳，部分實際就係暗含色情服務嘅場所，而當中有唔少台灣囡囡自願或唔自願咁喺度工作。囡囡喺舞台上唱歌跳舞吸引客人，客人如滿意表現就會買花環送上，買得多嘅客人囡囡就會主動陪酒傾談，如果啱傾嘅客人仲可以買囡囡鐘出街，出街後做乜？大家心照啦！據報道囡囡每月可以搵兩三萬港元，提供埋色情服務，仲唔只呢個數添！
利用分享軟件賣淫嘅集團真係好聰明，你要加入佢哋嘅群組，佢哋會先審查你嘅帳戶，如果你好少留言或者有可疑，佢哋會拒絕你嘅申請。內地執法單位最近搗破咗一個利用分享軟件賣淫嘅集團，起初佢哋用假名開戶希望加入集團嘅群組，但每次都被拒絕，原來集團發現佢哋對話嘅內容唔夠鹹濕，於是佢哋胡亂撰寫一啲夜遊報告或者被騙經驗，讓負責人覺得對方係玩家，於是批准加入，當得知內部消息後，執法部門就輕鬆地把佢哋繩之於法！
日本有個女大學生，讀書時因為想多賺點生活費，於是喺銀座夜總會當陪酒小姐，後來更做埋模特兒。舊年畢業後考入咗日本電視台，接受主播培訓課程，讀完課程後就可以當上新聞主播，但後嚟被電視台發現佢做過陪酒，於是取消佢嘅資格。囡囡心有不甘，告電視台歧視，最後獲勝訴，電視台無奈重新聘佢做主播，話今年4月就會喺節目上露面。由於囡囡新聞不斷，未做主播已經紅到不得了，所以邊個睇小做小姐嘅，一於告佢歧視！
撰文：小德