白羊座嘅朋友今年愛情路上真係波折重重，未拍拖甚至已經拍拖嘅朋友，竟然喺命運安排下，會愛上一個不該愛嘅人，呢個人令你牽腸掛肚，但又傷得你死去活來，最重要就係人財兩空，所以大家今年真係要萬事小心呀！
白羊座嘅朋友本身受木星入婚姻宮影響，所以桃花特別旺盛，但又好衰唔衰，今年同時受火星嘅影響，所以思想會特別急躁，對新鮮事物和人都會特別容易接受，原本感情生活唔錯，例如未有另一半嘅因得火星嘅幫助，會比較夠膽向喜歡嘅人表白，容易譜出新戀曲；就算為人比較內向，但緣分到時，話唔定係對方向你表白。但凡事都要三思而後行，因為受火星急躁性格嘅影響，你也會變得急進，諗都唔諗就會接受對方，到你交往一段日子後，你就會發覺對方原來係一個不該愛嘅人，到時進退不得會令你陷於苦惱當中。特別係4、7同埋10月，呢三個月最容易出事，如果已經有另一半嘅朋友真係要好好處理自己嘅感情生活，否則唔係得不償失，就係全軍覆沒。
火星嘅壞影響就係令人變得不愛思考，感情上會亂咁喜歡人，金錢上就會特別喜歡花錢，你會不知不覺花咗好多錢，有簽信用卡習慣嘅朋友更要小心，否則唔識得節制，乜嘢兄弟都幫你唔到。使錢多咗除咗係買嘢之外，新嚟嘅愛情變化亦會令你花費甚巨，特別係一腳踏兩船時，使錢會更多。咪以為男朋友畀晒，女士唔使花錢，有時一個局完咗趕去另一個局，又要指定時間趕回屋企聽電話等，全部都要搵的士幫手，車費都唔見好多！至於已婚嘅白羊座朋友，如果冇第三者出現，就由得佢唔出現啦！另外，橫掂都要使錢破財，建議大家就使多啲錢喺自己嘅另一半身上，等彼此嘅感情更進一步，何樂而不為，而且身上冇乜餘錢，就算有第三者出現，你哋都冇膽搞搞震啦！
最佳數字：2、6、8
最佳顏色：白色
最佳寶石：珍珠、硨磲
最佳位置：
藝術館、醫院
下周性愛運程
狩獵運：3.5★
甜蜜運：4★
戰鬥運：5★
撰文：小德