台灣嘅嫩模只要專心做工就唔愁冇嘢撈，就算單係做平面模特兒都夠三餐溫飽，好似今日要介紹嘅靚女夏晴，佢人靚身材正，粉絲人數又多，但為人就十分低調，出道多年都只做平面模特兒，佢話凡事打好基礎最重要喎！
好多網友都認識夏晴，因為佢出道都有兩三年日子，想喺網上睇佢嘅靚相，只要打入夏晴就會出現好多佢拍過嘅性感寫真專輯，特別係做腿模嘅作品就有成十輯八輯，由於係收費網站，能拍到十輯八輯，夏晴嘅受歡迎程度可想而知。但大家咪以為佢姓夏名晴，原來只係藝名，真名叫張慧貞，初出道時只做兼職外拍模特兒，後嚟拍攝經驗多咗，而且反應同口碑都唔錯，於是膽粗粗全職投入模特兒工作。由於夏晴除咗身材好外，樣貌仲可塑性極高，要佢扮純情又得，大家睇佢腿模嘅作品就知道，成個純情玉女咁樣；而拍內衣廣告時又充滿野性一面，所以深受當地攝影師歡迎，寫真作品不斷！
由於寫真不停推出，所以佢嘅面書粉絲人數亦不斷上升，據講最新數字已經超過十萬人，真係唔講得笑，其實主要原因除咗夏晴拍咗好多美腿寫真外，佢仲好着重動漫活動，由於自己好喜歡睇動漫作品，所以只要有動漫展佢就會積極參與，加上網上遊戲同埋手機遊戲等活動，夏晴嘅身影真係周不時都會見到。出席呢啲電玩活動，難免要Cosplay一下。夏晴話佢最喜歡係古裝人物，更話唔收錢都做，你問過你嘅經理人未呀？講真夏晴嘅古裝扮相又真係幾有古典味道，唔拍電視劇實在太浪費，但夏晴話自己唔係專科演藝畢業，所以做戲絕對係個大考驗，都係做好現時工作，到打好基礎後，慢慢再向影視發展都唔遲，咁識得打算，將來一定紅硬呀！
簡介：夏晴最常用嘅分享網就係佢嘅面書，裏面有好多精美寫真，而且仲有好多扮鬼臉嘅可愛照片，值得瀏覽！
網址：www.facebook.com/Sweetheart.XiaQing
出生地：台灣
三 圍：32C-24-34
身 高：170cm
撰文：龍四海