以波論波，Lisa Zee副偈足夠砌低好多對手，加上索爆冧樣，全職裸模都唔係佢對手！可惜，阿妹唔係要贏人咁簡單，仲要贏埋自己，對佢嚟講剝衫晒波係無意義，佢要征服反而係紋身，讚佢副偈佢唔會自豪，欣賞佢紋身阿妹先會開心囉！
假如認為有紋身就唔係好惹，覺得佢又曳又難招呼，咁你實在太表面喇！現年24歲、報稱大學畢業嘅美國妹Lisa Zee肯定比男人更有內涵兼知識，修讀藝術出身，現職律師助理，當事人話做人要感情與理性兼備，缺一不可。喺一篇女性紋身雜誌訪問中，Lisa自言早就清楚人生路向，工作純為搵錢過活，每日返工係無靈魂，絕不會帶任何個人情緒及感情工作，所以認為律師樓嘅工作可以乜都跟足做，最適合自己，而要追求生活就選擇走向另一極端，放蹤去紋身或裸露，話咁至係人生喎！
Lisa嘅做人格言係改變，平日返工行屍走肉無所謂，只要放工後做番自己就最開心，鍾意接受挑戰嘅佢，喺未成年已開始紋身，愈紋愈上癮，愈紋愈有自信，加上哥哥係健身教練，難怪阿妹波哋都操得咁Fit，Lisa甚至對傳媒話，身上每個紋身，背後都有佢嘅故事，真係夠晒感性呀！由手臂紋到落大腿，再紋到整個腹部，Lisa除咗自己欣賞，更開始希望獲得外界認同，結果喺2012年選擇加入Model界，而起初佢並冇諗過要裸露，但拍寫真過程中，身上嘅衫褲嚴重影響紋身圖案美感，最後豁出去，全裸Show畀大家睇，正係咁無聲無息變成真正裸模！
獨特紋身加上迷人波哋，Lisa初次喺紋身雜誌露出，連外界都嘩聲四起，人氣急升就唔使多講，不過佢對於成人網站不感興趣，佢嘅裸輯思維係要踏足全球紋身雜誌及網站，好等識欣賞同好齊齊感受到佢對紋身嘅熱愛喎！Lisa曾喺訪問中表示鍾意自己左邊身多過右邊，但今年佢又會再接受挑戰，喺右邊手臂紋上爸爸以及祖母頭像，佢相信波哋將會接近完美。傳媒更問對於大眾希望佢成為全職裸模，Lisa秒殺回應無興趣，皆因做Model係佢人生一部分，要被第三者操控佢覺得係件可悲事，再者阿妹話日間工作都搵到錢，絕不會為金錢出賣自己靈魂，而更大原因係討厭主流，對粉絲歡呼感到煩厭，如果要佢為自己定型，阿妹只接受另類Model。
言行上Lisa好有態度，但現實又係咪咁呢？為咗令更多人欣賞佢，阿妹成立官網後，除咗晒個人「藝術」紋身靚相，方便外界聯絡，更將每次拍攝嘅胸圍底褲泳衣絲襪掟上網站兜售，每套由幾十美元起，佢就解釋同搵錢無關，亦非滿足戀物癖同好，純粹係唔想浪費，佢話既然都滿足咗感性一刻，呢啲服飾已無意思，不如賣出去等有心人保留喎！
簡介：Lisa姐網站真係好多人瀏覽，事關不停有新留言讚阿妹正爆，仲希望佢賣多啲二手底褲添！但查實阿妹自稱為美感，所以又點止貼身物品呢？佢仲同不同界別合作推出個人物品，例如滑板，潮Tee，電話套及海報等，其實阿妹咁賣法，唔使打工都搵夠啦！
網址：http://lisazee.com/
出生日期：1991年10月24日
三圍：34DD-25-36
身高：5呎4吋
撰文：祖