每次見到個「西」字，唔少人都會聯想起啲衰嘢，邊個叫廣東話咁博大精深，一個字可以引起無限嘅想像呢？其實撇開語言文化嚟講，西同West同情慾世界有密不可分嘅關係，以下就為大家介紹喺唔同領域有關嘅詞語。
「Woolly」中文叫羊毛，而「Woolly West」又係點解？原來呢個詞語係「Woolly Breast」同「Woolly Chest」嘅諧音，意思係指男士嘅胸毛。呢個出現於上世紀20年代美國芝加哥嘅俗語，隨住時間推移至今，佢唔再單指心口毛，仲泛指埋養眼又迷人嘅女性車頭燈。記得喺以前，胸前有茂密毛髮嘅男士往往係性感嘅象徵，只係喺今日又係咪咁睇呢？喺2012年9月斯洛伐克嘅Trnava大學有個科研團隊，進行咗一個關於男士心口毛嘅調查，佢哋搵嚟161名土耳其同183名斯洛伐克嘅女性，研究佢哋對男士外形嘅睇法，結果有八成受訪者表示鍾意冇胸毛嘅男士，皆因感覺會乾淨啲。
乜嘢叫做「Riding West of Texas」呢？原來呢個詞語係指，會喺床戰中加入情趣玩具嚟玩咁解，例句：I'm riding west of Texas. Wanna come?（我今晚用情趣玩具嚟曳曳。你有冇興趣？）可能有人會問，點解玩情趣玩具又會同德薩斯州扯上關係呢？原來當地曾經頒布過一條禁止販賣按摩棒及其他性玩具嘅法令，違法者將被處以最高兩年監禁而引起公訴，終於喺2003年聯邦上訴法院裁定呢條法令，因違反咗憲法第14條修正案所賦予嘅公民私隱權被判無效，故此喺當地玩情趣玩具可以話係攞正牌。
喺呢個男神充斥嘅世界中，要數到真男人、真正嘅床上戰神，就一定唔可以唔提呢位Randy West。喺1947年10月12日於美國紐約出生嘅佢，自細夢想成為職業棒球手，後嚟改變主意做歌手，並從1969年開始組織樂隊表演，與此同時佢開始兼職裸模工作。到咗1978年，佢開始涉足四仔演出並且喺私人派對中表演脫衣舞。受益於長年嘅操練，身體質素過人嘅佢腰力超人，不但被冠以「打樁機」嘅外號，而喺佢從事脫星生涯期間共演出超過1,300套四仔，同佢床戰過嘅脫星更超過500個！多年嚟獲獎無數嘅佢，同時為AVN、FOXE同XRCO嘅名人堂一員。1993年佢成立自家四仔製作品牌Randy West Productions，近年已慢慢退居幕後。
對AV迷嚟講，西野翔唔單止外形夠索，更係潮吹天后，只係大家知唔知道佢嘅背景原來唔講得笑呢？呢位喺1985年6月29日於日本靜岡縣出生嘅女優，先祖係曾經同織田信長爭過天下嘅關西諸侯，而佢父親係京都大學副教授，母親則係位鋼琴家。講到佢嘅學歷同樣犀利，皆因佢畢業於日本名牌大學早稻田，並曾獲國民美少女選舉嘅第7名。喺佢投身AV界前，本嚟任職廣告模特兒，喺廣告界亦薄有名氣，其後於2004年同AV片商KUKI簽約，從此開始AV事業。先後轉會到IEnergy、S1、PREMIUM，喺2008年又轉投至MOODYZ並加入音樂組合惠比壽麝香葡萄進軍樂壇，又於2011年時轉會至Attackers至今。除咗演出AV外，佢又曾參演電視劇同電影，係個多棲發展嘅女優。
撰文：魂