好多朋友都同我講：「畀我發咗橫財，就去風流快活一下！」好似唔發一筆橫財，就冇得聲色犬馬！所以今日我哋就請嚟玄學師傅，同大家講吓今年邊幾個生肖最易發橫財，中咗馬贏咗波之後，就可以安心去風流快活啦！
師傅話生肖屬馬嘅朋友，地支午與流年未相合化為土，土旺生金，而金正正係屬馬朋友嘅財星，所以今年佢哋財運特別好，正財運有機會升職加薪外，仲會發幾筆意外之財，特別係今年有文昌和學堂星入命，搞創意嘅朋友更會名成利就，而且有太極貴人星幫助，會有貴人送啲賺錢嘅機會畀你，只要好好把握，不難財源廣進。師傅仲話屬馬朋友財來財往，有得有失，錢賺得容易，破財亦會容易，加上爛桃花不少，花錢喺女人身上更係必然嘅事！
生肖屬兔嘅朋友地支卯與流年未為三合，盡得流年之勢，所以運氣極好，做事順風順水，而且受人欣賞，得到上司、老闆同埋客人嘅賞識，你話想唔發達都幾難，如果係做賺取佣金嘅行業，更會屢創佳績。此外，今年有福星貴人和將星貴人幫助，正財偏財都得力，但錢係唔會從天而降，你係要付出才可以得到，正所謂多勞多得，工作之餘難免要去減壓，而且荷包有多餘錢，難免色心大起，建議屬兔嘅朋友玩還玩，小心身體，有家室嘅記住要返屋企！
屬蛇嘅朋友地支巳內藏庚金與流年乙未相合，同樣係得流年太歲嘅助力，所以財運不俗，而且今年有驛馬星相助，如果要跑生意嘅朋友絕對係錦上添花，就算坐辦公室唔使外出嘅朋友，有機會多出外旅遊，唔使破財仲可能會有額外收入。此外屬蛇朋友仲有金輿貴人相助，不時有啲老友出嚟點條財路你行，只要唔貪心量力而為，自有機會豬籠入水，屬蛇朋友本身就喜歡聲色犬馬，夜夜笙歌，所以有啲意外財之後，又點壓抑得到自身嘅欲望呢？
異性運：牛、蛇、狗
桃花運：兔、馬、豬
和合運：虎、龍、猴
撰文：小德
玄學提供：寶源師傅