福州有巴打自慰時用力過度竟將筆直嘅小弟弟變成香蕉，仲因誤診而搖搖欲墜。英國有女子三年內不停睇鹹片，仲要日日自慰五、六次，最後點樣解決呢？美國有囡囡日光日白性慾特強，最後唔做金融公司改行去拍小電影。
福州有名巴打喺屋企自慰，唔知乜嘢原因咁興奮，竟然用力過度，把小弟弟由直拗攣，成條香蕉咁樣，咁大件事當然第一時間去睇醫生，點知醫生以為佢天生香蕉形，所以診斷為冇乜大礙，巴打於是返屋企瞓覺，以為瞓醒冇事，點知第二朝仲痛，於是再去另一間醫院求醫，今次個醫生醒目好多，一眼就睇出生殖器斷裂搖搖欲墜，而且受傷部分已經出現瘀黑，於是即時做手術進行接駁，最後有驚無險，大家以後對小弟弟真係要客氣啲！
又係同自慰有關，早前英國有媒體訪間咗個染上「鹹片癮」嘅22歲女士，佢話自己14、15歲開始，就好喜歡睇男女愛情動作片，一日最少睇一套，後嚟到18歲遭受失戀打擊之後，情況就更嚴重，每日不停咁睇，而且一日自慰5、6次咁多，時間持續３年多，搞到書又唔讀，工又唔返，後嚟得到朋友嘅幫助，介紹佢返教會，情況至改善過來，依家仲係一位法律系嘅畢業生。所以A片唔怕睇，但咪睇到出現病態，女士仲好解決，男士學佢咁仲唔死得咩？
另一位嚟自美國嘅23歲囡囡，話說佢亦有同樣問題，原本大學畢業後喺華爾街某大金融公司當實習，前途可謂無可限量，但佢有鋪日光日白有性需要嘅癮，就算喺辦公室，當受到強烈慾望挑釁下，佢要不停自我解決。後來佢覺得咁做太對公司唔住，於是毅然辭工轉行，而佢諗到可以日光日白做愛嘅工作，就係去做AV女優，於是膽粗粗走去報名，由於囡囡樣子不俗加上身材出眾，所以一試鏡就獲得合約，新片好快就推出，希望佢轉行成功，一炮而紅！
撰文：小德