大自然真係好神奇，邊諗得到竟然有個海島，佢個外形會同男士嘅子孫根似得咁交關，兼且連兩粒波子都有埋呢？佢就係位於斐濟第二大島嶼瓦努阿島以北嘅Mavuva。呢個位於南太平洋上嘅海島，面積約為42英畝（約17公頃），而撇開佢令唔少女士面紅耳赤嘅外形，查實佢嘅環境真係幾靚，四周圍有靚爆海景、白色沙灘、椰子樹同茂密嘅熱帶花卉等，充滿南方海島嘅氣息之餘，島上仲設有餐廳、遊艇碼頭、酒吧等設施。家陣大家有機會喺呢個子孫根島上做島民喇！事關斐濟決定拎個島出嚟賣，將海島劃分成97個區而每區價錢約8萬1千英鎊（約95萬港元），比得起大家就可以成為當地嘅島民，當然，間屋嘅造價仲要另外計。有口痕網友就猜想，喺呢個島上起間別墅嘅話，唔知床上戰鬥力會唔會勁啲呢？