講到這個「鈴」字，大家一定會諗到「解鈴還須繫鈴人」呢句說話，只係喺情慾字海中，有冇同鈴及Bell有關嘅詞語呢？須知道情慾世界咁廣袤，梗係有好多詞語同佢扯上關係，尤其係一啲情色俚語更係大家諗唔到，以下就同大家一一道來。
「Bell Peppers」係一種大家好熟悉嘅蔬菜，皆因佢解作燈籠椒是也。不過喺情慾字海中，佢卻有另一個香艷又誘人嘅意思，解作激凸嘅巨乳。究竟點解佢會用嚟形容巨乳呢？據講燈籠椒大得嚟又有啲彈性，因此有咁嘅比喻。雖然呢個解釋未必人人認同，但事實上燈籠椒、指天椒等嘅辣椒品種，由於具有擴張血管嘅功效，能增加生殖器官供血量，不僅令男士兵器硬直時間延長，亦可助男女享受到更興奮嘅性高潮，尤其係屬甜椒類嘅燈籠椒，對唔鍾意食辣嘅男女更易於接受。
如果按字面嚟睇嘅話，「Bell Polishing」可解作幫鈴鐘變得令立立嘅拋光動作，只係佢其實有另一個意思，就係解做男士自娛。原來喺情慾俚語中，男士子孫根嘅外形同搖鈴差唔多，因而有Bell嘅外號，而自娛時嘅動作則好似幫呢個「搖鈴」拋光，因此得到呢個稱呼。大家都知男士自娛嘅歷史好長，但大家知唔知除咗用「五姑娘」解決之外，以前嘅男士仲會用乜嘢嚟自我慰藉呢？據講最早出現嘅男士自娛工具，係一種名為「行室」嘅物品，佢係一種由魚皮或柔軟皮革製成嘅管狀物，據講質感同家陣嘅飛機杯有啲相似喎！話時話，古代嘅魚皮原來有咁嘅作用，呢啲咪就係古人嘅智慧囉！
以前嘅四仔脫星想搵錢，不外乎拍片、影寫真同到夜店出騷，只係隨住互聯網發展，家陣佢哋又多咗條搵銀門路，就係成人網上視頻，而講到當今炙手可熱嘅視頻脫星，Donna Bell絕對係其中一位。呢位嚟自羅馬尼亞嘅26歲脫星，早喺2006年就已經出道演出四仔，只係當時佢喺羅馬尼亞同匈牙利搵食，其後獲所屬經理人公司Emeraldbabes嘅引薦進軍美國四仔界，並於2011年將車頭燈從38C加工至38D，憑住激凸上圍而獲得同著名四仔公司合作嘅機會，當中包括21 Sextury、Evil Angel、Digital Sin等。同年佢開始成人網上視頻工作，以火辣嘅外形同演出深得四仔迷歡心，並曾經多次喺Sex Awards同AVN頒獎禮嘅最佳視頻女孩一獎中獲得提名。
曾幾何時日本AV界掀起一輪RQ女郎風潮，所謂RQ全寫為Racing Queen，即賽車女郎咁解。不過大家知唔知掀起呢陣旋風嘅係邊位？佢就係1977年9月9日出生嘅鈴木麻奈美。喺佢投身AV界前，早憑住F1及GT賽事嘅賽車女郎身份而備受注目，及至1998年佢宣布進軍AV界時，更吸引到宇宙企劃、KUKI、MAX-A、ATLUS、ARIS JAPAN等5間片商爭相同佢簽約，ATLUS又以「一億日圓的美腿」嚟形容佢，從此開創RQ投身AV界嘅先河。呢位超人氣偶像女優出道未夠1年，即於1999年獲得日本花花公子嘅新人獎，又於2000年推出個人音樂專輯，並且開始演出電視劇。及至2006年12月31日，佢喺個人網誌中宣布引退，雖然喺2010年10月曾有復出計劃，但最後卻不了了之。
撰文：魂