今日香港地租金高昂，即使只是板間房，只要位於市區，隨時月租都要五千蚊咁上下，個體戶諸如鳳姐、上樓骨場咁，當然也要面對這方面的壓力，「唔係有幾條女一齊做嗰啲上樓足浴，又唔係集團式經營嗰啲，單打獨鬥，屋租真係幾大負擔o架！」跑鳳樓線的同事告訴我，近半年不少單泡鳳姐都將自身服務升級，「玩制服嗰啲太普通啦，我早陣子就有見一堆鳳姐開埋後花園，聽講生意都唔錯，傳下傳下，其他人見搵到錢咯，咪又下海囉。」玩得這一招，後遺不少，實在令人搖頭。
「我前嗰輪訪問咗個姐姐，專做揼骨、出火嘅，佢真係走去租間劏房就開檔，即係唔係平時嗰啲唐樓房仔，而係堅係劏房囉。我上過去佢個地方，感覺都幾唔自然，不過阿姐話佢開檔都一段日子，一向都咁做，無乜問題喎。」同事說，他最初覺得人客上去搵姐姐很不方便，畢竟隔籬鄰舍還有其他住客。「佢話佢只做下晝場，而且純揼骨出火，一來下晝好多住客都返晒工，二來只係出下火無乜噪音，暫時都相安無事喎，起碼無畀人投訴先。」而這種事發生在香港，我又覺得正常不過喎。
撰文：黃韋龍