近年對於夜場人來說絕對是不好過，尤其是深圳、東莞，還有早前出事的馬交。這天上深圳，行了幾家骨場，問行中人有甚麼狀況，原來大部分女仔返鄉下未返嚟，「其實近年生意都係唔好做，既然係咁，不如遲啲返嚟，放個長假啦。」這位負責人在行中打滾了10年，他說這年下來見到的市況，是他遇過最差的，主因是大小力度不同沒完沒了的嚴打，「以為東莞死晒，我哋深圳做場一定得益啦，點知呢邊一樣打，而且打到人心惶惶，根本令好多人客卻步。」
負責人說，近年他甩了不少幫襯他很多年的熟客，而且看情況，是不會回頭了，「不過又唔使擔心呢段時間冇女，年年都係咁，靚女通常都趁呢段時間放假，係今年遲少少啫。」這時一個囡囡經過，也加入我們的話題，「靚女走晒，我咪有機會做多幾個客囉。」囡囡的說話，多少透露了悲涼。
撰文：黃韋龍