日本最新發明美女攬枕，最驚喜就係仲會發聲，有時仲會大叫唔好，係咪好吸引呢？泰國裸體祈福，原來背後有秘密。最近英國有醫學調查，公布咗全球男士小弟弟嘅平均長度，唔知大家嘅尺寸，達唔達到標準呢？
「明星攬枕」相信唔係新鮮事，但如果你摸佢面時會話：「你好溫柔！」摸佢個胸時會話：「討厭！」摸佢屁股時就會話：「不要！」係咪覺得好有意思呢？話說日本有個宅男就發明咗一個會講反應嘅攬枕，摸佢嘅唔同位置，佢就會分辨力度嚟回應，由於日本當地反應不俗，廠商已經投入生產，估計今年6月就會推出市面，而每個嘅售價約為18,000日圓，約千二蚊港紙一個，嚦嚦鶯聲喺睡房不停出現，諗起都開心呀！
有時喺網上見到異國圖片真係咪大驚小怪，好似較早前有張嚟自泰國嘅照片，當中一名半裸女士，挺着胸畀大師祝福，有網友見到就大驚小怪，話出家人做乜摸人對奶？事件愈鬧愈大，最後嗰個「女事主」出嚟澄清，原來佢係一位變性人，早前動了隆胸手術，出院後把動過手術嘅身體，請大師祈福，希望早日康復！而喺當地，呢啲情況真係司空見慣，至於女病人係唔可以咁做，想剝衫就已經畀人拉走！所以下次批評前要了解清楚呀！
最近英國有份權威醫學雜誌發表咗一個研究報告，公布咗男人小弟弟嘅平均長度，未公布結果前，先講吓呢份調查搵咗過去17份同類報告做藍本，再搵嚟不同國家嘅一萬五千名測驗對象，最後綜合所得出嚟結果，而小弟弟勃起時嘅平均長度為13.12cm，用英寸好計啲，即係5吋半，相信好多巴打都能達標。另外調查指出男士身高和小弟弟嘅長度，係冇一定關係，個子小嘅男人，一樣有機會天生異稟，所以以後唔除褲睇過都咪亂笑人呀！
撰文：小德