正所謂一年之計在於春，唔知班日本AV女優係咪都有咁嘅想法，早前喺一個大型活動上，以火辣表演同粉絲打個招呼，等自己人氣全年火紅，粉絲又全年硬朗，精神奕奕！
近年日本AV界可謂多姿多采，我所指嘅除咗係女優陣容以及作品種類，仲有業界所舉辦嘅各類活動，除咗幾個大型頒獎典禮，如DMM大賞、SOD大賞以及Sky PerfecTV成人放送大賞之外，規模唔小嘅活動亦多籮籮，好似早前舉行嘅「桃太郎映像×素人Only × laCoviluna」就係其中之一喇！顧名思義，該活動由桃太郎映像、素人Only以及laCoviluna呢三間AV廠合作舉辦，今年已經係第2屆，目的係幫旗下嘅女優及作品宣傳，以及畀個機會一眾AV迷同女優們嚟個親密接觸。咁今次女優陣容強唔強先？梗係強啦！出席活動嘅女優共有10個，包括人氣癡女櫻井步、中島京子、橫山美玲、篠田由、小司琴等，個個都係獨當一面兼具實力嘅女優。
活動當日吸引到約100名AV迷入場支持，一開始觀眾先坐定定，享受一下美食同啤酒，同一時間主持就同女優傾偈，問佢哋有關拍AV、談戀愛以及最愛體位等敏感話題。然後，10位女優逐一上台表演火辣舞步，一邊扭動身軀，一邊除衫，又擺出各種誘人動作，張腿、翹臀、夾胸，甚至自摸等，盡顯千嬌百媚，令台下觀眾體溫勁升。女優們除咗表演之外，更要爭奪制服誘惑比賽嘅第一名，而櫻井步着得少布又夠靚女，加上表演時淫意盡露，最後成功奪得冠軍。活動仲有互動元素，首先抽出幾位現場觀眾上台同女優玩遊戲，一男一女身貼身鬥快夾爆放喺佢哋之間嘅氣球；另外，又舉行攝影會，女優搔首弄姿畀龍友用鏡頭捕捉最誘人一刻。呢個活動內容豐富又養眼，下次我一定要去參加呀！
撰文：賢