我吹水波過年期間冇坐飛機出埠，但我已經託啲戰友，四出替我搜集軍情，今日就同大家分享吓鄰近各地夜場喺農曆年期間嘅情報，而我就揀選咗台灣、泰國同埋日本呢三個大家熟悉嘅地方，睇吓大家有冇相同嘅體會！
我喺度介紹咗好多期有關台灣送茶妹嘅新聞，好多朋友過年都照我教嘅去試吓，同當地嘅負責人聯絡上，但由於台灣同我哋一樣，都係過年期間，所以囡囡嚴重缺乏，而且有開工嘅，質素較差同埋開價較高，為起最低消費都要千五蚊港紙，好多巴打叫唔落手，惟有去夜場釣魚，以往港男外形和談吐都不俗，所以比較吃香，偶爾都會食到好嘢，但近年台灣多咗好多外國人去玩，所以九成囡囡都畀外國人搶晒，搞到個個食白果收場，認真冇癮！
至於泰國唔係華人地區，照計應該供應正常，冇人同你爭，但原來一樣好難搵食，問題係出自內地遊客，佢哋喺過年期間，成千上萬人湧去泰國，唔係跟團你都幾難訂到酒店。另外，無論沖涼浴室定係夜總會，全部都係內地人，有巴打入到去浴室，金魚缸內冇晒囡囡，大堂仲企咗十幾廿個國語人喺度等緊，你話幾咁誇張。去到夜總會仲冇面，所有包房同大枱位全部都係內地人包晒，你只可以坐喺吧枱或企埋一邊，你話點識到女仔，注定冇運行呀！
去日本嘅朋友聽講一樣咁勞氣，平時去日本玩你只要去到紅燈區，就會有啲識中文嘅「花街導旅」出現，介紹你去啲肯接待華人嘅夜場尋歡作樂，雖然只係間接性交，但都足以令人回味，但過年期間全部「花街導旅」都畀內地客包晒，要導旅帶佢哋包場嚟玩，冇咗導旅帶路，港人本來憑一口英語都唔難搵食，但都講過，紅燈區肯接待外國人嘅場就係嗰幾十間，全部都已經被人包晒，你自己走去啲唔接待外國人嘅夜場玩盞自討沒趣，所以都係冇運行！
撰文：吹水波