大家知唔知道全世界邊五個大城市，一個人返屋企係最安全呢？有啲城市實至名歸，但有啲城市講你都唔會信！年夜飯抽奬可與日本AV女優Julia共度一夜，邊間公司咁好？我都要去返工呀！好心有時真係要考慮過至好做呀，點解？
最近有媒體公布咗一項調查，睇吓邊個城市一個人返屋企最安全，公布結果後網友都起哄，即時意見多多，至於頭五名係邊幾個城市，馬上同大家公布。第五位係台北，連台灣嘅網友都對結果打個問號。第四位係斯德哥爾摩，網友笑指可能受害者都患晒斯德哥爾摩症候群，所以得第四。第三名係東京，第二名係大阪，網友話啲AV片嘅劇情，乜真係虛構嘅咩？仲以為囡囡出街會好危險添！第一名係新加坡，呢個網友們挑剔唔到，話係實至名歸！
最近好多公司趁年尾都搞盛大嘅年夜飯嚟慰勞員工，特別係啲會生金蛋嘅互聯網公司，出手更係令人咋舌，好似最近網上就流傳一張內地互聯網公司嘅年夜飯奬品清單，送名牌手機同平板電腦都已經係細奬，唔少係送旅遊，七日歐洲之旅、夏威夷七日遊，仲有啲送寶馬跑車，現金奬更係以萬萬聲起錶，最勁係200萬元，要你攞返屋企都辛苦，但最令人意想不到，日本AV女優Julia亦成為奬品，得主可與阿妹共度一夜，邊間公司呀？我都要去返工呀！
如果大北風天嘅夜晚，你見到一個衣着性感嘅囡囡喺街上遊蕩，你諗住做好心勸佢早啲返屋企，仲截埋架的士免費送佢一程，你知會有乜嘢後果？英國就有個女子見有個囡囡深夜衣衫單薄咁喺街頭遊蕩，好心勸佢回家，點知畀人痛罵一頓，之後仲被囡囡吐口水和扯頭髮，最後要驚動警察叔叔嚟執手尾。呢個咁忘恩負義嘅囡囡，原來心情唔好一個人走出嚟喝酒，點知飲多咗，飲到自己做乜都唔知。所以奉勸囡囡們咪亂飲酒，心情唔好就更加唔好飲啦！
撰文：小德