牙買加最著名嘅除咗有短跑好手同音樂外，當地嘅旅遊勝地同樣世界聞名，當中更有唔少係天體愛好者夢寐以求嘅去處。好似位於度假勝地Ocho Rios嘅海灘度假村Couples Tower Isle，就被唔少旅遊雜誌同網站評為天體愛好者必到嘅裸體勝地。呢個位於牙買加小島之上嘅度假村，不但充滿熱帶風情，以白色為主調嘅設計，更添一種簡單嘅自然美。當然，對於天體愛好者嚟講，佢最好嘅地方就係既唔使擔心會畀人睇到佢哋剝光豬，私隱度十足之餘，又可以喺度盡情體驗水上及水底裸游嘅樂趣，尤其係附近嘅珊瑚礁，更被喻為裸潛必去嘅地方。如果唔想游水，度假村更設有唔少康樂設施同優質餐飲，不但可令人盡情體驗裸體嘅樂趣，最重要係可以度過一個美妙無比嘅假期。