過多幾日就到羊年，呢個時候唔少人都會喺屋企添上紅色嘅飾物圖個吉利，更希望喺新一年紅紅火火，做乜嘢都事事順利。其實喺情慾字海中，亦有唔少詞語同紅及Red有關，令大家眼界大開嘅同時，成人業界更有唔少人同物與佢有密切嘅關係！
如果照字面直譯，「Red Ring of Sex」解做性愛紅環咁解，其實佢係乜嘢意思呢？原來係指兵器笠上膠衫曳曳後，被勒出嚟嘅紅印，意思即係指戴套曳曳咁解。須知道對男士嚟講，着膠衫曳曳感覺始終唔係咁舒服，而為咗吸引佢哋進行安全性行為，於是就替佢改咗個浪漫嘅名。話說回來，如果留意一下AV男優嘅兵器，有啲頂端同棒身黑白分明，唔通佢哋包住兵器個頭曬太陽？非也，咁係因為佢哋做過割包皮嘅手術，而令頂端嘅顏色同棒身有所不同而已。
相信唔使多講，大家都知道「Red Light District」嘅意思解作紅燈區，即係雲集各種風月場所嘅區域，而喺中國古代會稱紅燈區做花街柳巷、煙花巷等，著名地方有北京嘅八大胡同、南京嘅秦淮河、香港嘅石塘咀等，日本則稱佢做歡樂街。雖然紅燈區嘅意思冇乜人唔識，但大家又知唔知點嚟嘅呢？據講呢個詞語最早出現喺19世紀嘅美國，由於當時嘅妓女會將紅色嘅燈擺喺窗前嚟吸引玩家之餘，又具以資識別嘅作用。有人表示呢種習慣起源於以前嘅鐵路工人，由於佢哋去曳曳時都會將工作所用嘅紅色燈籠掛喺妓院門口，因此形成習慣。
若然鍾意睇以人妻為題材四仔嘅話，就一定唔可以唔睇，喺1997年推出嘅《Red Vibe Diaries - Object Of Desire》。事關呢套作品喺1998年嘅AVN頒獎禮中，榮獲年度最佳DVD作品嘅殊榮，仲要被AVN列為500套經典四仔之一。呢套由著名四仔導演James Avalon執導嘅作品能夠獲獎嘅原因，全在於佢出色嘅故事同誘人無比嘅情節。故事講述由脫星Stacy Valentine所飾演嘅女主角Samantha Armstrong，雖然老公係外科醫生有錢佬，但卻覺得生活相當枯燥，竟然背住老公夜晚走去比華利山嘅高級妓院做囡囡，結果引發出一連串情慾交錯嘅故事。
每次講到已引退多年嘅著名日本AV女優紅音螢時，焦點總會集中喺佢嘅潮吹技巧，其實佢引退後全力投身於公益事業，貢獻比做女優時更大。呢位喺1983年10月25日於日本大阪出生嘅女優，憑住潮吹絕技令佢嘅名氣衝出日本。多年嚟喺AV界獲獎無數，喺2008年加入由AV女優所組成嘅藝能團體BRW108進軍娛樂圈，並且成為日本關注女性組織Girls Guard嘅義工。喺2008年9月宣布引退嘅佢，於2010年5月12日應台灣紅絲帶基金會邀請，以愛滋病防治大使身份訪台，其後更被任命為台灣認證嘅愛滋病意識大使。喺2012年3月於武漢一會所，以大使身份交流預防愛滋病知識。
撰文：魂