今日係年廿八，打工仔衝刺埋呢兩日就收爐放年假，幾日長假期唔知大家有乜打算？我吹水波就準備同成班戰友南征北討，逍遙快活一下，同時仲為各位巴打收收風，過年猛料暫時未有，但今期新料搶先送上！
仲有兩日就過農曆年，內地嘅夜場仍然未見有任何起色，所以好多囡囡索性提早「埋年」，個個都動身返鄉下過年，由於今年搵得唔多，唔似以前咁樣搶購飛機票，記得以前啲囡囡，做到年廿八，甚至年廿九至肯收爐，為求一張機票，出高於市價好幾倍嘅價錢都面不改容，家陣市道唔好，唔好話返鄉下唔坐飛機，連動車都唔坐，反而爭住坐長途大巴，仲提早五、六日就出發，佢哋話慳番啲交通費，寧願留多錢交畀家人，囡囡咁孝心真令人感動呀！
年關在即，香港嘅夜場唔似內地咁，因為囡囡要返鄉下，而出現供不應求嘅情況，我吹水波最近上過旺區幾間夜總會坐過，發現囡囡不少反多，原來每逢大節日前後夜場都會有批生力軍出嚟搵快錢，當中除咗有外地僱傭兵，亦有唔少陀地師奶，為咗過年而客串演出，但最估唔到就係啲陀地妹，會因為放長假冇錢去威而下海搵啲使用，佢哋會喺過年前連返五、六日，到過年期間就有錢同朋友風流快活，所以要一嘗陀地風味，呢個時候就最啱啦！
有關台灣送茶妹已經講到最後一集，就同大家講講投訴機制，據經常去台灣玩嘅朋友透露，事後如果覺得囡囡表現一般或者偷鐘黑面，原來係可以投訴，但負責人只會喺短訊上向你賠罪，話會好好教訓那囡囡，但退款或補送另一位就唔使諗！但佢哋會極力游說你，如果下次再幫襯，一定會加送特別服務或將囡囡升級，聽落好似好有着數，因為費用不用加就有加料服務，實際上負責人只想你繼續消費，遊客大多數都會色迷心竅，一幫襯可能又中招！
撰文：吹水波