每次有新嘅特色酒店推出總會引嚟唔少巴打討論，齊齊研究一下嗰度係咪曳曳嘅好去處。早排就有班外國巴打，見到位於日本北海道嘅星野度假村Tomamu，事隔4年後再次推出利用冰塊打造成嘅期間限定「冰之旅館」，即刻引嚟一番熱議。
呢間酒店除咗畀到大家一種冰屋獨有嘅夢幻感覺，配合埋燈光效果更係浪漫度爆燈，囡囡嚟到真係未入正題已超興奮！不過大家又咪興奮住，事關呢間直徑10米，每次只能住兩個人嘅圓形旅館，從床到廁所都係用冰造成，而室內氣溫更係低至攝氏零下5至8度，瞓覺亦需要用酒店提供嘅特製保溫睡袋，曳曳嘅話唔單止考驗體能，仲要考埋膽量添！不過話說回來，如果想同女友體驗一下冰鎮浪漫滋味嘅話，咁又真係幾值得一去。
撰文：魂