四仔界果然係一年爆過一年，繼上年有杜克大學生Belle Knox做脫星籌學費，今年又嚟一件23歲華爾街實習生Veronica Vain放棄高薪厚職，轉投美國脫星界發展，喺床上砌到七情上面！阿妹喺佛羅里達大學財經系畢業，一心諗住做華爾街女強人，無奈大量工作令佢無晒生活，連性生活都受影響，所以佢決定辭職，加入脫星界拍四仔，阿妹坦言性愛快感令佢有存在價值。本來呢單新聞都告一段落，點知《New York Daily News》搵咗四仔界猛人「黑棍王」Lexington Steele出嚟抽吓水！話說棍王早於1993年喺華爾街搵食，7年後轉投到一間大公司工作，喺呢段日子係搵到錢，但棍王話完全冇晒人生，事關佢一星期做足6日，每日24小時On Call，每晚仲要連走幾場交際，嗰種辛苦不足為外人道，所以棍王話Veronica Vain離開華爾街係明智決定。棍王溫馨提示Veronica妹，喺唔使開工拍戲嘅日子，可以搞吓網上生意，如Webcam網站，每分鐘都有收入，賺到笑喎！Lexington講到做脫星有好冇壞，係咪咁好，只有Veronica自己先知喇！