近年日本AV女優形象愈趨正面，好多公開場合都可以見到佢哋出現，而各類同色情元素有關嘅展覽會自然唔少得女優撐場，最近以戀物為主題嘅「Fetish Fes」就邀請一班AV女優嚟表演，為來賓增加視覺享受！
戀物癖聽落好似有啲變態，之不過，所謂戀物包含好多元素，大家睇AV時見到女優施展嘅腳仔擦槍、絲襪美腿挑逗、SM、着衣交歡等，呢類玩意亦歸類為戀物演出。早前舉行嘅展覽會「Fetish Fes」就集齊戀物元素，令人大開眼界。「Fetish Fes」今年已經係第5屆，歷來邀請好多戀物界嘅名人喺會場內擺攤位一展身手，今屆亦唔例外，仲搵嚟一眾AV女優演出，成功吸引到1,320入場人數，數目為歷屆之冠。今次參與演出嘅女優眾多，不過當中好多囡囡大家可能未聽過佢哋個名，因為佢哋都係拍開重口味SM作品嘅另類女優，但係當中都有大家熟悉嘅女優，包括近期極之活躍嘅範田紗紗、新紮萌系小天后佐倉絆，以及由男扮女裝嘅大島薰，佢演出AV時最鍾意反串扮女人。而佢哋除咗表演之外，仲會推銷產品，例如範田紗紗落力推銷由佢主演嘅最新B級喪屍電影《Undead Cemetery》以及T恤，至於佐倉絆同大島薰就推銷寫真DVD，氣氛相當熱鬧。
除咗一眾AV女優之外，場內仲有好多嘢睇，可以欣賞一下眾多戀物界名人嘅騎呢扮相，以及有SM大師即場表演綑綁、滴蠟以及鞭法等，令人目不暇給，睇完後可以買番隻DVD以及書籍返屋企慢慢自修一下添！另外，入場人士可以付費參與各種另類體驗，有幾另類？可以試吓畀SM女王打屁股、坐上古代三角木柱刑具體驗一下被刑罰嘅感覺，又或者嘗試畀女人騎上塊面大玩最能夠踐踏男人尊嚴嘅顏面騎乘！唔鍾意做被虐一方，做大爺又得，場內有美女提供化妝水按摩，認真過癮。
撰文：賢