露毛照被人禁止刊出，應該十分正常，但網站負責人竟為此賠罪道歉？新加坡有新法例，規定晚上十點半後唔可以喺公眾地方飲酒，唔係咁大鑊啩？各位巴打們放假時抱頭大睡，原來係會影響性趣，大家真係要小心啲呀！
有個I字頭照片分享網站因為刪除一輯「毛照」，而畀人鬧到狗血淋頭，話說有網上雜誌用戶發咗一張囡囡嘅泳衣照，本來十分正常，但該囡囡原來係「自然主然者」，所以重要部位並冇進行修剪，因此「芳草」就由泳衣飛晒出嚟。網站於是刪除照片並停止該網上雜誌嘅戶口，點知即時引起愛好自然主義人士同埋雜誌粉絲嘅投訴，認為網站性別歧視，因為男士着內褲芳草跑出嚟就冇事，但為甚麼囡囡就唔可以，最後搞到網站要道歉了事！
新加坡國會最近商討一條新法案，就係禁止晚上十時半後喺公共場所飲酒，違者罸款2,000新加坡元或監禁三個月，為起嚟罰成萬幾蚊港紙，所以都算重罰，但大家又唔使驚當地乜嘢夜生活都冇晒，法例所規定嘅公眾地方，係指公園、街道等公眾使用嘅地方，但如果你喺酒吧、夜場等場所飲酒，就不受此限。據當地傳媒講呢條法例主要係怕一啲市民大眾，喺公眾地方聚集飲酒生事至要立例規管，所以巴打們喺當地飲多咗酒，最好都係咪通街走啦！
上班嘅巴打們日日做到冇停手，周日或假期好多時都會邊度都唔去，而選擇大覺瞓，但據英國醫學研究會進行嘅調查指出，原來瞓得愈多對身體愈唔好，特別係日瞓夜瞓，而且每逢放假都瞓嘅朋友就愈嚴重。佢哋會容易肥胖、失去活力，嚴重會失去性趣，而且容易患炎症，最明顯會周身骨痛，所以專家建議放假咪成日瞓覺，不妨出外行吓，做少少運動，而且飲食要清淡啲，平時飲幾杯咖啡嘅朋友喺放假日子就少飲啲，咁身體就會健康好多！
撰文：小德