內地夜場仲係風聲鶴唳，重光之日遙遙無期，但就有巴打講咗個好感人嘅故事，我一聽完之後就馬上同大家分享，詳細內容大家睇吓內文就知道，但畀我見到夜場主管嗰份堅毅不屈嘅精神，真係好值得我哋學習！
如果你同內地啲桑拿經理相熟，一定會有埋佢哋嘅私人電話，最近有巴打冇嘢做，試吓打畀個相熟經理嘅私人電話，原以為取消咗，點知個電話竟然有人聽，一聽之下仲係嗰個經理，問佢仲有冇做？佢話冇啦！但可以幫手搭路！原來上一年好多經理主任失業，但總有啲唔怕死嘅客人搵佢哋介紹囡囡，由於自己冇場，於是就做「駁腳」，介紹啲鎮仔嘅骨場畀客人，從中賺一百幾十蚊小費，雖然吊鹽水，但佢話除非唔再做呢行，否則客人萬萬不能丟失！
最近Cosplay喺鳳姐界十分流行，除咗市場有需要之外，原來好多囡囡都喜歡得閒扮吓嘢，就好似喺深水埗就有個廿八、九歲嘅囡囡，佢準備咗大批戰衣按佢嘅心情嚟變裝，除咗常見嘅護士Look同學生妹造型之外，就連動漫人物嘅服裝都有，所以你撳完鐘仔見有個動漫人物出現，你千萬唔使驚！原來呢位囡囡自小就係超級動漫迷，年輕時每逢有Cosplay活動佢都參加，所以有大批制服，家陣可以廢物利用，佢話開心之餘又搵到錢，簡直一舉兩得呀！
好多巴打都好關心去台灣搵送茶妹，仲要留意啲乜嘢事項？今日就繼續同大家爆料，上次講到用交友網站搵囡囡，之後囡囡就會送茶上門，佢哋大多數都同照片差唔多，但畀你睇嘅照片一定有修改，總唔會用假相或者相差太大，所以畀囡囡「入閘」嘅機會都好大。但萬一真係貨不對辦，或者就係想換人，同其他地區一樣，要畀番「車費」佢哋，一百至三百台幣不等，最好事前問清楚，如果你搵啲跨區嘅囡囡，車費仲唔止咁少添，記住咪搞錯！
撰文：吹水波