美國四仔界最大型XBIZ頒獎禮經已圓滿結束，各個獎項都已名花有主，得獎嘅脫星當然開心。之但係有人就話頒獎禮舉辦到今年第13屆，獎項愈頒愈多，但質素就愈嚟愈曳，賽果更係毫無驚喜！作為四仔迷嘅你點都要知道，呢個頒獎禮搞得有幾差！
喺頒獎禮舉行之前，大會即XBIZ搞到「雷咁響」先聲奪人，邀請咗男神James Deen拍攝宣傳片，只見男神左擁右抱四五件脫星好不過癮，單係睇片，已令人十分期待。可惜，XBIZ Awards咁多年嚟都係「閉門典禮」，除咗業界人士及嘉賓，其他人只能喺網上睇賽果。而最離譜係，話晒係四仔界盛事，加上大會搞場大龍鳳無非都係想更多人關注兼力撐，但官方發放嘅現場相片居然少得可憐，圖片質素又差，衰啲講句，不如唔好搞頒獎禮啦！
每年頒獎禮嘅賽果都係圍威喂就預咗，但脫星為曝光就算明知冇獎攞都嚟撐場，今屆亦唔例外，個個爭住喺紅地氈上影相，元老級Lisa Ann、爆偈中女Kendra Lust、淫娃Nikki Benz、性愛教授Jessica Drake、一代女神Kayden Kross，仲有一大批新女及男優，加加埋埋有過千人o架！
全晚一共頒發160個獎項，就以幾個大獎講吓，搵得男神James Deen拍宣傳片，點會唔頒個最佳男優獎畀佢先，最佳新星係大熱門Carter Cruise、最佳熟女係36歲中女Kendra Lust、最佳片廠係以挑戰人類性愛極限嘅Hard X，以上獎項得主有邊個或邊間公司唔係已經預咗係佢攞獎吖，真係毫無驚喜囉！叫做最有公信力嘅獎項係最佳過江龍脫星由波蘭妹Misha Cross奪得，細佬好欣賞阿妹演出夠瞓身！反而最出人意表嘅係，大學生脫星Belle Knox竟然大熱倒灶，只得個豬肉獎「Marketing Campaign of the Year」；另外最佳脫星係Anikka Albrite，唔識佢？今年26歲嘅Anikka喺業界碌咗4年，得對B奶，論索又未到佢，更從未攞過任何獎項，細佬都唔明白佢憑乜嘢砌低一眾脫星，今屆XBIZ Awards唔畀人噓至出奇呀！
撰文：祖