所謂久病成醫，好多人身子唔好多病痛，為改善體質都會漸漸對藥理病理有研究。而女仔醉心美容扮靚靚，對方法素有研究，家陣唔少女明星都變身為美容達人同大家分享扮靚心得。而日本水着妹亞里沙近期同樣化身為美容專家，更以性感形象推銷美容產品。
近期日本水着界真係索女眾多，喺小弟心目中，就有三個能夠成為當今水着界女神，一個就係唇厚迷人嘅今野杏南，一個就係有宮澤里惠接班人之稱嘅高崎聖子，最後一個就係今日為大家介紹嘅亞里沙喇。亞里沙佢無論樣貌同身材都屬超班，樣子生得可愛嬌美，更成日都嘴角含春咁款，萌系不藏而露，相當惹人憐愛。而亞里沙仲擁有一雙雖然係細，但卻透發動人神采嘅眼仔，睇落仲有少少似混血兒添，不過阿妹就曾經表示過自己原籍福岡縣，乃係純正日本人士。阿妹雖則係咁講，小弟我就唔係幾信，除咗因為樣子問題，仲有身材方面。亞里沙胴體白淨嫩滑，肌膚似我國嘅北方佳麗，而一副34-24-34豐滿身材，以及胸前大得驚人嘅純天然G奶就似歐美女士，可能阿妹祖先有外國血統而冇家人知喎。
2011年亞里沙從青山學院大學文學系英美文學專業畢業，之後成為一家資訊科技公司嘅辦公室女郎，好彩阿妹做得唔耐，不久喺涉谷一間咖啡店畀藝人事務所嘅老闆睇中，將佢由OL變身水着妹，咁樣我哋一眾男人先可以大飽眼福，在此向呢位咁識貨嘅老闆致敬！亞里沙成為水着妹後，以一副激凸身材成功惹起廣大國民注目，人氣與日俱增，工作瞬間排得密密麻麻，例如演出綜藝節目，亦有舞台劇演出，近期作品有《K》。另一方面，由於亞里沙樣子討好，故唔少產品都搵佢做代言人，曾成為乳業產品代言女郎「Dororich Girls」；最近就成為美容產品代言女郎「UL.OS姐姐」其中一員，由於其名氣同外在美都比其餘兩位代言女郎石川沙織及綱島惠里香強，加上亞里沙駐顏有術，品牌就特別搵佢化身美容師以性感形象推銷產品，說服力梗係大大增強啦。
亞里沙一得閒就會遊山玩水，期間仲會趁青春留倩影，拍低好多優美照片上載到博客，大家不妨Click上去睇一睇。
網址：http://ameblo.jp/alialichan0302/
年齡：25歲
身高：5呎3吋
三圍：34G-24-34
撰文：賢