老婆如果係律師就咪亂提出離婚，好似美國有位石油大亨要離婚，準備10億美元嘅贍養費畀老婆，但身為律師嘅太太竟嫌少，提出訴訟要求得到50億美元，嚟自龍會嘅小翠就話：「我唔要太多，夠使就得啦！」
小翠話：「我份人比較理性，明白一段感情玩完之後，大家再做乜嘢都冇用，至於贍養費係作為丈夫嘅責任，並唔係用嚟懲罰佢嘅手段，我身邊好多失婚朋友，佢哋同丈夫搞離婚時，個個心裏都千不該、萬不該，把怨恨放晒喺爭取贍養費上，雖然畀佢哋爭取到心目中嘅價錢，但最後能夠放低怨恨嗎？十個有九個都唔可以，搞到生活一啲都唔開心，唔會再相信異性，更加唔會開展另一段戀情，所以計我話夫妻間搞到要離婚，就乾脆一啲，咪積咁多怨恨，放下一段感情後，關鍵係快啲重新展開另一段戀情，而唔係停留喺計數和報復上，如果只追求後者，咁你一輩子都會唔開心，點解咁笨要為咗一個男人而毀咗自己一生呢？」
真係講得好有道理，睇嚟小翠有感而發！唔通佢經歷過畀人拋棄？小翠話：「對唔住喎！我咁大個女都冇畀人飛過，每次都係我飛人嘅！所以甚少受到打擊，所以呢方面嘅經驗一次都冇，但我深明箇中奧妙，就係因為我煲劇太多，無論中、港、台、日、韓嘅愛情劇我都有煲過，好明白劇中離婚後啲女角點解會做咗大反派，就係怨恨太深，對自己被人拋棄之事鑽咗牛角尖，所以由好人做咗大反派，當然戲劇就好睇，但現實生活中我只講一句：『何苦呢？』自己辛苦，身邊嘅人又辛苦！而且明明身邊有個愛佢嘅人，但因為仇恨而放棄，呢啲女反派真係笨得可憐，換轉係我一定冇咁笨，身邊有姊妹遇上咁嘅事，都會安慰佢哋唔好為一個男人毀咗自己一生！」
年齡：20歲
三圍：34-23-34
撰文：小德