曾幾何時，四仔脫星只要專心一意肉搏就有錢收，但依家仲要(目及)實個「市」，否則賺少咗，甚或蝕到入肉都無人可憐o架！唔明？上年細佬講過虛擬貨幣入侵鹹網界，不只大型鹹網以「虛」作「幣」吸納新客源，連有專屬網站嘅脫星都照辦煮碗，個價升梗係開心啦，可惜「虛幣」升跌猶如過山車般大上大落，嚇到囡囡咪咪都縮呀，陰功！
但愈危愈有機，早前夫妻檔Dennis及Saffron Bacchus宣布推出全球首個以Bitcoin交易嘅鹹網，現金同信用卡統統唔收，只收虛幣Bitcoin，似乎對自己及Bitcoin都信心十足！據成人新聞網XFANZ報道，老公Dennis本身從事四仔色情行業，依家開網做男優兼負責幕後製作，而四眼太太Saffron Bacchus就日剝夜砌，有錢齊齊搵。坦白講，呢兩老婆一啲都唔吸引，波哋又普通，佢哋講明只收Bitcoin，好多人就猜測佢哋揸住「重貨」。Saffron接受訪問時好有信心話今年係Bitcoin年，相信會有大升幅，即係代表網友不但炒虛幣賺到錢，同時佢亦賺得多，咁就大家開心喎！
撰文：祖